ᐐᒋᐦᐄᑯᓰᐎᓐ

ᒫᐅᐦᐄ ᑯᒀᒋᔅᒑᒧᐎᓐᐦ ᒨᔥ ᐋ ᑯᒀᒋᔅᒑᒧᓈᓂᐎᒡ ᒑ ᐐᒋᐦᐄᑯᔨᓐ ᐅᐦᒋ ᐆ ᐋ ᐄᔑ ᐋᐱᒋᐦᑖᔨᓐ. ᐐᐦ ᑯᒀᒋᔅᒑᒧᔨᓈ ᑯᑎᒡ ᒑᒀᓐ, ᒑ ᐹᒋ ᐊᔨᒥᐦᐄᔮᐦᒡ.

ᑖᓂᑖ ᒑ ᒌ ᐅᐦᒋ ᐱᒋᔅᑎᓂᒫᓐ ᓃᔨ ᒋᔅᒑᔨᐦᑎᒧᐎᓐ ᑭᔮ ᓂᑎᐹᒋᒧᐎᓐᐦ?

ᐊᓐ ᐎᔮᐱᐦᑎᒥᓐ ᐆ ᒋᔥᒋᓄᐙᒋᐦᒋᑭᓂᔥ, ᐋᑯᑦ ᒑ ᒌ ᐱᒋᔅᑎᓂᒥᓐ ᒌ ᒋᒋᔅᒑᔨᐦᑎᒧᐎᓐ ᑭᔮ ᒋᑎᐹᒋᒧᐎᓐᐦ. ᐊᓂᑦ ᓂᑑᒋᔅᒑᔨᐦᑎᒧᐙᑭᓂᐦᒡ, ᐋᐅᒄ ᒑ ᒌᔅᒋᓂᒥᓐ ᐊᓐ ᑳ ᑭᒌᐦᒑᔮᔑᒡ “ᐱᒋᔅᑎᓐᐦ ᔥᑎᔨᒧᐎᓐ” ᑳ ᐃᒋᔥᑖᒡ ᑭᔮ ᒑ ᒥᓯᓂᐦᐊᒥᓐ ᒋᑎᐹᒋᒧᐎᓐ. ᐊᓐ ᒫᒃ ᐋᐱᒋᐦᑖᔨᓈ ᐹᔨᒄ ᐊᓂᐦᐄ apps, ᓂᔥᑐᔨᒡ ᒑᒀᓐ ᒋᑭ ᒌ ᐅᔮᔨᐦᑖᓐ: ᒋᑭ ᒌ ᒥᓯᓂᐦᐊᓐ ᒋᑎᐹᒋᒧᐎᓐ, ᑭᔮ ᒫᒃ ᐋ ᐹᐦᑖᑯᓯᔨᓐ ᒑ ᒌ ᐅᑎᐦᐄᒑᐱᔨᐦᑖᔨᓐ, ᑭᔮ ᒫᒃ ᒑ ᒌ ᐲᐦᑎᑖᐱᔨᐦᐄᓱᔨᓐ ᐋ ᒥᓯᓈᐱᔅᑭᐦᐆᓱᔨᓐ. ᐋᐅᒄ ᐊᓐ ᒥᒄ ᒑ ᒌᔅᒋᓂᒥᓐ ᒋᔥᒋᓄᐙᒋᐦᒋᑭᓐ ᒑ ᒋᐦᒋᐱᔨᐦᑖᔨᓐ ᐋ ᐲᐦᑎᑖᐱᔨᐦᐄᓱᔨᓐ ᐋ ᐹᐦᑖᑯᓯᔨᓐ ᑭᔮ ᒫᒃ ᐋ ᒥᓯᓈᐱᔅᑭᐦᐆᓱᔨᓐ. ᐊᓐ apps ᒋᑭ ᐅᑎᐦᐄᒑᐱᔨᐤ ᐊᓐ ᐋ ᐹᐦᑖᑯᓯᔨᓐ ᑭᔮ ᐋ ᒥᓯᓈᐱᔅᑭᐦᐆᑯᔨᓐ ᑭᔮ ᒑ ᐊᔥᒋᐱᔨᒡ ᐊᓂᑦ ᐋ ᑭᓄᐙᔨᐦᑖᑯᐦᒡ ᒑᒀᓐ ᐋ ᐲᐦᑎᑖᐱᔨᐦᑖᑭᓂᐎᒡ᙮

ᑖᓂᑖ ᒑ ᒌ ᐅᐦᒋ ᐲᐦᑎᑖᐱᔨᐦᐅᔮᓐ ᐋ ᐋᐱᒋᐦᑖᔮᓐ Facebook?

ᐐᐦ ᐱᒋᔅᑎᓂᒥᓈ ᒋᑎᐹᒋᒧᐎᓐ ᑭᔮ ᑏᐙᐦᒡ ᒑ ᒌ ᓅᑯᐦᒡ ᐊᓂᑦ Facebook, ᐋᐅᒄ ᐊᓐ ᒑ ᐲᐦᑎᑖᐱᔨᐦᐅᔨᓐ Facebook ᐅᐦᒋ ᐊᓐ ᒋᔥᒋᓄᐙᒋᐦᒋᑭᓂᔥ ᐅᐦᐱᒫ ᑳ ᒥᓯᓈᑖᒡ “ᐱᒋᔅᑎᓐᐦ ᔥᑎᔨᒧᐎᓐ” ᑳ ᑭᒌᐦᒑᔮᔑᒡ. ᒥᔔ ᑳ ᐲᐦᑎᑖᐱᔨᐦᐅᔨᓐ, ᐋᐅᒄ ᑏᐙᐦᒡ ᒑ ᓅᑯᐦᒡ ᐊᓐ ᐋ ᐄᔑ ᒥᓯᓂᐦᐄᒑᔨᓐ ᐊᓂᑦ Wall ᐅᐦᒋ ᐊᓐ ᒌᔨ Facebook ᐋ ᐄᔑ ᐃᔮᔨᓐ᙮

ᑖᓂᑖ ᒑ ᒌ ᐅᐦᒋ ᑎᑳᔥᑖᐦᑎᑖᔮᓐ?

ᒥᓯᐙ ᑳ ᑎᑳᔥᑖᐱᔨᒡᐦ ᒋᐱᐦ ᒥᔪᐱᔨᐤᐦ ᐋ ᓅᑯᐦᒡ ᐊᓂᑦ ᒥᓯᐙ ᓂᑑᒋᔅᒑᔨᐦᑎᒧᐙᑭᓐ ᐙᓵᓂᐦᑖᑭᓐᐦ ᑭᔮ ᐊᓐ ᒑᒀᓐ ᐋ ᐄᔑ ᐋᐱᒋᐦᑖᑭᓂᐎᒡ apps. ᐊᓐ ᐋ ᐋᐱᒋᐦᑖᔨᓐ ᐋ ᑎᑳᔥᑖᐦᑖᓂᐎᒡ, ᐋᐅᒄ ᔮᔨᑖ ᒑ ᐃᔮᔨᓐ 3G ᑭᔮ ᒫᒃ Wi-Fi ᑯᓵᐱᐦᒋᑭᓈᔮᐲ. ᐊᓐ ᐋᑳ ᒌ ᐙᐱᐦᑎᒥᓐ ᑳ ᑎᑳᔥᑖᐱᔨᒡ, ᒑ ᓂᑑᒋᔅᒑᔨᐦᑎᒥᓐ ᑖᑆ ᒫᔪᐱᔨᒀ ᐊᓐ 3G ᐋ ᐄᔑ ᐋᐱᒋᐦᑖᔨᓐ ᑭᔮ ᒫᒃ ᒫᔪᐱᔨᒀ ᐊᓐ Wi-Fi ᐋ ᐄᔑ ᐋᐱᒋᐦᑖᔨᓐ᙮

ᑖᓂᑖ ᒑ ᒌ ᐅᐦᒋ ᐙᐙᐱᐦᑎᒫᓐ ᐊᓂᑦ ᐋ ᐅᐦᒋ ᐙᐱᐦᑏᐙᓂᐎᒡ ᐙᔥᑭᒡ ᒑᒀᓐ?

ᐊᓐ ᒑ ᒌ ᐙᐙᐱᐦᑎᒥᓐ ᒑᒀᓐ ᐋ ᐙᐱᐦᑏᐙᓂᐎᒡ ᐊᓂᑦ ᑯᓵᐱᐦᒋᑭᓈᔮᐲᐦᒡ ᑭᔮ ᒫᒃ ᐊᓂᑦ iPad ᐋ ᐃᔮᔨᓐ, ᒑ ᒌᔅᒋᓂᒥᓐ “ᐋ ᐙᐱᐦᑏᐙᓂᐎᒡ ᐙᔥᑭᒡ ᒑᒀᓐ” ᒌᔅᒋᓂᑭᓐ ᐊᓂᑦ ᐄᔥᐱᒥᐦᒡ. ᐊᓐ ᒑ ᐙᐙᐱᐦᑎᒥᓐ ᓂᓇᐦᑰ ᐋ ᐊᑎ ᐃᔑᓈᑯᐦᒡ ᒑᒀᓐ ᐋ ᐙᐱᐦᑏᐙᓂᐎᒡ, ᐋᐅᒄ ᒑ ᒌᔅᒋᓂᒥᓐ “ᒦᓐ ᑯᑎᒃ” ᒌᔅᒋᓂᑭᓐ ᐊᓂᑦ ᓂᐦᐄᐎᓂᐦᒡ ᑭᔮ ᒫᒃ ᓂᒥᐦᒡ ᐄᑖᐦᒑ ᐋ ᓅᑯᐦᒡ ᐊᓂᑦ ᒋᑎᑳᔥᑖᐦᑖᐱᔨᒻ. ᐋᐅᒄ ᐆ ᑏᐙᐦᒡ ᒑ ᐲᐦᑎᑖᐱᔨᔨᓐ ᐊᓂᑦ ᐋ ᐙᐱᐦᑏᐙᓂᐎᒡ ᐙᔥᑭᒡ ᒑᒀᓐ᙮

ᒑᒀᓐ ᒑ ᒌ ᐋᐱᒋᐦᑖᑭᓂᐎᒡ ᐆ ᐋ ᑭᓄᐙᐱᐦᑖᑭᓂᐎᒡ?

ᐆ ᒫᒀᒡ ᐋ ᐄᔑ ᐱᒥᐱᔨᒡ ᐋᐱᑎᓰᐎᓐ, ᐋᐅᒄ ᒑ ᒥᔪᐱᔨᒡ ᐊᓂᑦ applications ᐋ ᐃᐦᑎᑯᐦᒡ iPhone (3GS ᑭᔮ 4), iPod Touch, iPad (1 ᑭᔮ 2) ᑭᔮ ᒥᐦᒑᑐ ᐊᓂᐦᐄ Android ᐊᔨᒧᐙᑭᓂᔥᐦ. ᐋᐅᒄ ᑭᔮ ᐋ ᒥᔪᐱᔨᒡ ᐊᓂᑦ BlackBerry ᐊᔨᒧᐙᑭᓂᔥᐦ ᐋ ᐃᐦᑎᑯᐦᒡ ᑯᓵᐱᐦᒋᑭᓈᔮᐲ ᐋ ᐃᐦᑎᑯᐦᒡ ᐊᓐ HTML 5 ᐅᐦᒋ ᐊᓐ ᐋ ᐋᐱᒋᐦᑖᑭᓂᐎᒡ ᑯᓵᐱᐦᒋᑭᓈᔮᐲ ᐊᔨᒧᐙᑭᓂᔑᐦᒡ᙮